Kan Malema mettertyd president word?

OP Maandag 1 November sal Suid-Afrikaners na die stembusse gaan om hulle stemme in die munisipale verkiesing uit te bring – ’n verkiesing wat heel waarskynlik ’n voorloper gaan wees van wat ons vir die volgende algemene verkiesing in 2024 in gedagte kan hou. Ons behoort ná die plaaslike verkiesing te kan sien wat die relatiewe krag van die linksgesindes en radikale is, asook van die konserwatiewes en gematigdes.

Ek het hierdie twee groeperings teenoor mekaar geplaas bloot om die bespreking te vereenvoudig, maar ons kan nie die implikasies van hierdie tweekantigheid ignoreer nie. Die plaaslikeregeringsverkiesing (LGE21) behoort vir ons minstens ’n aanduiding te gee van presies hoe ernstig mense oor hul geloofsoortuigings en waardes is wat die onmiddellike, mediumtermyn- en langtermyntoekoms van Suid-Afrika betref.

Op ’n manier is dit teoreties en spekulatief, maar ek wil graag glo hierdie artikel bevat sekere (verskuilde) elemente van waarheid. Spekulatiewe essays is natuurlik gewoonlik op sekere empiriese bewyse gegrond, asook interpreterende of rasionele getuienis op grond van waarnemings en persoonlike ervaring. Die hoofargument van hierdie skrywe is daarom dat die “sukkelende middelklas” (https://www.oldmutual.co.za/corporate/resource-hub/all-articles/why-SAs-middle-class-can-make-or-break-the-economy)óf krimp óf wil beskerm wat hy het, en ’n meer begerige klas begin word het...

DEEL