’n Regterlike snotklap vir Trump

AANSOEK VERWERP!

’n Regterlike snotklap vir Trump

Donny gaan nie maklik lê nie, voorspel ARRIE ROSSOUW uit Amerika, maar die Trump-handelsmerk het 'n reuse-knou gekry. Die sikofante en gatkruipers sal hul karavaantjies aan nuwe politieke voertuie moet haak, wantTrump se invloed gaan dramaties taan ná 20 Januarie.

DIS die naaste aan 'n regterlike snotklap wat jy sal kry. En, toegegee, dis nie die taal wat mens in die goeie, hogere geselskap van 'n regter van die Amerikaanse hooggeregshof uiter nie.

Maar gun die gewone sterfling wat die presidensiële manewales van Donald Trump daagliks moet gadeslaan 'n bietjie plesier as hy hom verbeel dat die nege regters van die hoogste hof in die land Maandagoggend met hul eerste teepouse gesit en wonder het hoe hulle die aansoek moet hanteer van Mike Kelly van die Republikeinse Party van Pennsilvanië dat die sertifisering van die verkiesingsresultaat in dié deelstaat met 'n hofbevel gekeer moet word.

Nege regters, ses konserwatiewes en drie liberale, sit om die tiensitplektafel met 'n koppie Engelse tee, of dalk 'n groen of rooi tee, en almal is bewus van die interessante posisie waarin regter Amy Coney Barrett haar bevind. Sy is immers deur die president met die hand uitgesoek om enige aansoek rakende die pas afgelope presidentsverkiesing in sy guns te probeer swaai. Dis nou saam met die ander twee Trump-aanstellings, regters Brett Kavanaugh en Neil Gorsuch...

Slegs Vrye Weekblad-intekenaars kan hierdie artikel lees.

Teken nou in vir volle toegang tot alle Vrye Weekblad-inhoud. Daar is ’n spesiale tarief vir pensioenarisse.

Reeds ’n intekenaar? Kliek “Meld aan” om voort te gaan

Het jy ’n intekenbewys? Gebruik dit nou.

Vrae of probleme?
E-pos hulp@vryeweekblad.com of skakel 0860 52 52 00.

X